កម្លាំងល្បាតនៅក្នុងមូលដ្ឋានប៉ុស្តិ៍ចាក់អង្រែលើ ឃាត់ខ្លួនយុវជន១នាក់ ករណីជួញដូរសារធាតុញៀន

ភ្នំពេញ៖ នៅថ្ងៃទី១៧ ខែតុលា ឆ្នាំ​២០១៨ វេលា​ម៉ោង​០២:៣០នាទីរំលងអាធ្រាត្រ កម្លាំងនគរបាលប៉ុស្តិ៍​ចាក់អង្រែលើ បានធ្វើការល្បាតនៅក្នុងមូលដ្ឋាន ហើយពេលមកដល់​ចំណុចសំណង់មិនរៀបរយ ផ្លូវ​៦០ម៉ែត្រ ក្រុមទី៨ ភូមិព្រែកតាគង់ សង្កាត់ ចាក់អង្រែលើ ខណ្ឌមានជ័យ រាជធានី​ភ្នំពេញ ក៏បានឃាត់​ខ្លួន​ជនសង្ស័យ​ចំនួន០១នាក់ ពីបទជួញដូរដោយ​ខុស​ច្បាប់ ​នូវ​សារ​ធាតុ​ញៀន។

ជនសង្សយ័ខាងលើមាន​ឈ្មោះ អិល បូរី ហៅខ្មៅ ភេទប្រុស អាយុ ២០ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះគ្មានលេខ ផ្លូវ​៦០ម៉ែត្រ ក្រុមទី៨ ភូមិ ព្រែកតាគង់ សង្កាត់ ចាក់អង្រែលើ ខណ្ឌ មានជ័យ រាជធានី​ភ្នំពេញ។

ប្រភពពីជំនាញសមត្ថកិច្ចបានអោយដឹងថា ខណៈ ពេលដែលកម្លាំងសមត្ថកិច្ចកំពុងជិះល្បាតការពារសុខសុវត្ថិភាពក្នុងមូលដ្ឋាន ក៏ប្រទះឃើញជនសង្ស័យឈ្មោះ អិល បូរី ហៅ ខ្មៅ កំពុងឈរលក់គ្រឿងញៀន (នៅចំណុចខាងលើ) ក៏ឃាត់ខ្លួនតែម្តង។ វត្ថុតាងដកហូតបានរួមមាន៖ ក្រាមពណ៍សថ្លា (សង្ស័យជាគ្រឿងញៀន)​ ចំនួន ០១កញ្ចប់តូច។

បច្ចុប្បន្ន​​ជន​សង្ស័យឈ្មោះ អិល បូរី ហៅខ្មៅ ត្រូវបានឃាត់​ខ្លួននៅ​អធិការដ្ឋាននគរ​បាល​ខណ្ឌមានជ័យ ដើម្បី​កសាង​​សំណុំ​រឿងចាត់ការតាមនីតិវិធី៕