Header Ads

ហ៊ាយឡែនឌឺជាន់ហ្វាំងមិនទាន់បុករថយន្តហ្វតដឹកអ្នកដំណើរសង៤៥០ដុល្លាបញ្ចប់រឿង

ភ្នំពេញ៖ រថយន្តចំនួន២គ្រឿងរងការខូចខាតយ៉ាងតំណម ក្រោយពីជួបគ្រោះថ្នាក់ចរាចរណ៍នៅផ្លូវ៦៣ កែងនិងផ្លូវ១៥៤ ស្ថិតនៅក្នុងសង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ កាលពីម៉ោង៧និង៣០នាទីព្រឹក ថ្ងៃទី១៦ ខែមិថុនា ឆ្នាំ២០១៧ ។

រថយន្តបង្កម៉ាក ហ៊ាយឡែនឌឺ ពណ៌ស ស្លាកលេខ ភ្នំពេញ 2S-0554 បើកបរពីត្បូងទៅជើងតាមបណ្តោយផ្លូវ៦៣ មកដល់ផ្លូវកែងលេខ១៥៤ បានបុករថយន្តម៉ាក ហ្វត ជារថយន្តដឹកអ្នកដំណើរ របស់សមាគមដឹកជញ្ជូនអ្នកដំណើរផ្លូវគោកកម្ពុជា ពណ៌ប្រផេះ ស្លាកលេខ ភ្នំពេញ2M-3771 បើកបរពីកើតទៅលិច ចំពីកងផ្នែកខាងក្រោយនៃរថយន្តហ្វតរហូតដល់កាងខាងមុខ បណ្តាលអោយឆ្កូតថ្នាំនិងរបើកកាងផងដែរ រីឯរថយន្តបង្កម៉ាកហ៊ាយឡែនឌឺខូចខាតផ្នែកខាងមុខរថយន្តស្ទើរទាំងស្រុង ។

យោងតាមសាក្សីបានប្រាប់អោយដឹងថា មុនពេលកើតហេតុគេឃើញរថយន្តទាំង២គ្រឿង បើកបរក្នុងល្បឿនលឿនដូចគ្នា ដោយរថយន្តហ៊ាយឡែនឌឺបើកបរតាមផ្លូវព្រះតាសក់ផ្អែម លេខ៦៣ ដែលជាផ្លូវធំ ស្រាប់តែមានរថយន្តហ្វតបើកបរពីកើតទៅលិចក្នុងល្បឿនលឿនដូចគ្នា សង្ស័យប្រញ៉ាប់ទៅយកភ្លៀវ ក៏ឆ្លងផ្លូវជិតផុតទៅហើយនិងរថយន្តហ៊ាយឡែនឌឺជាន់ហ្វាំងមិនទាន់ផង ក៏បានបុករថយន្តហ្វតចំពេញទំហឹងតែម្តងទៅ ។

ក្រោយពេលកើតហេតុនរគបាលចរាចរណ៍នៃអធិការដ្ឋានខណ្ឌដូនពេញបានធ្វ់ការវាស់វែង និងទុកពេលអោយភាគីទាំងសង្ខាងសម្របសម្រួល ដោយខាងភាគីខាងរថយន្តបង្កព្រមចេញថ្លៃជួសជុលចំនួន៤៥០ដុល្លា ដើម្បីបញ្ចប់បញ្ហានៅហ្នឹងកន្លែង ៕











No comments

Powered by Blogger.