ឯកឧត្តម ជាវ តាយ អភិបាលខេត្ត និងលោកជំទាវ លាងហៃ ជាវតាយ បានអញ្ជើញជាអធិបតី ក្នុងពិធីចម្រើនព្រះបរឹត្តពិធីកាន់បិណ្ឌទី១ វត្តពិជ័យឧត្តុង ស្ថិតនៅភូមិក្រាំង សង្កាត់ក្រាំងអំពិល ក្រុងកំពត

ខេត្តកំពត ៖ ថ្ងៃចន្ទ ១៥កើត ខែភទ្របទ ឆ្នាំច សំរឹទ្ឋិស័ក ព.ស២៥៦២ ត្រូវនឹងថ្ងៃទី២៤ ខែកញ្ញា ឆ្នាំ ២០១៨ ឯកឧត្តម ជាវ តាយ អភិបាល នៃគណ:អភិបាលខេត្ត និងលោកជំទាវ លាងហៃ ជាវតាយ រួមនឹង ឯកឧត្តមប្រធានក្រុមប្រឹក្សាខេត្តនិងលោកជំទាវ ឯកឧត្តមអភិបាលរងខេត្ត អស់លោក លោកស្រី ជាថ្នាក់ដឹកនាំ និងមន្រ្តីរាជការនៅតាមមន្ទីរស្ថាបន័នានាជុំវិញខេត្ត បានអញ្ជើញចូលរួមប្រារព្ធពិធីចម្រើនព្រះបរឹត្ត និងស្តាប់ការសំដែងធម្មទេសនា ក្នុងពិធីកាន់បិណ្ឌវេនទី១នៅក្នុងវត្តពិជ័យឧត្តុង ដែលជាប្រពៃណីព្រះពុទ្ធសាសនារបស់ដូនតាខ្មែរយើងបានតម្កល់ទុកមកសម្រាប់កូនខ្មែរគោរពប្រតិបត្តិ។

ក្នុងនោះដែរ ឯកឧត្តមអភិបាលខេត្ត ប្រគេនដល់ព្រះសង្ឃនូវ÷ ទឹកក្រូច៥កេស ទឹកសុទ្ធ៥កេស អង្ករមួយបាវ៥០គីឡូក្រាម ថវិកា២លាន៧០ម៉ឺនរៀល និងប្រគេនព្រះសង្ឃមួយអង្គ៥ម៉ឺនរៀល សរុប ៤១អង្គ ស្មើនឹង២លាន៥ម៉ឺនរៀល ព្រមទាំងជួយកសាងផ្លូវបេតុងពីក្លោងទ្វារវត្តដល់ព្រះវិហារ។

ក្នុងនោះដែរក៏បានឧបត្ថម្ភដល់យាយជីតាជី និងកងកម្លាំង សរុប១លាន៨៥ម៉ឺនរៀល៕